Галоўны трэнер «Ліды» Эдуард Валіулін скаментаваў паразу ў матчы з «Нёманам»
— Сёння мы стварылі больш за моманты ў атацы, але зноў жа, трэба «выціскаць» з іх максімум. Каманда павінна дапамагаць брамніку, якога ў першых галах вінаваціць няможна – абаронцы схібілі. Гульнёй я задаволены, нешта ўжо атрымваецца, але трэба яшчэ працаваць.
— У сярэдзіне гульні змянілі брамніка. Гэта было запланавана ці вырашылі паберагчы Шалеснага?
— Хлопец ён малады, 2000 гады народзінаў, гуляў дома (заўв. – Шалесны выхаванец «Нёмана»), перад гледачамі і першай камандай. Ніколі такога шанцу не было, таму цяжка яму было псіхалагічна. Хоць яшчэ раз паўтаруся, што вінаваціць яго ў прапушчаных галах няможна – не дапамаглі таварышы.
— Было шмат неапраўданых выдаленняў. Як збіраецеся іх выкараняць?
— З часам гэта пройдзе, пакуль гуляем у «летні» хакей. Будзем гаварыць з дзецьмі, праглядаць моманты. Але пакуль на гэтым не акцэнтуем увагу, больш на спалучэнні і ўзаемадзеянні звён.
— Заўтра апошняя гульня турніру супраць «Гомля». Што чакаеце ад гэтага матча?
— Будуць у нас гуляць тыя, хто яшчэ не гуляў і тыя, хто на праглядзе. Трэба даць шанец паказаць сябе ўсім. І выходзячы з гэтага будзем складаць касцяк каманды на Кубак Салея.
— У першым перыядзе каманда яшчэ трымалася, а потым здарыўся нейкі правал? Не хапіла часу на аднаўленне?
— Заўтра будзе яшчэ цяжэй, бо гуляем у 12 дня. Я б не сказаў, што «падселі», проста супернік хутчэй стаў гуляць, далёкая крама, недзе загульваліся, змены накладаліся. У гэтым і была перавага суперніка.
— Ці будзе разбор гульні ці проста адпачываць і рыхтавацца да заўтрашняй сустрэчы?
— Гульню праглядаць не будзем. Дамо адпачыць дзецям, каб змаглі даўжэй паспаць і аднавіцца.
