Наша каманда трывала асталявалася ў падвале турнірнай табліцы.
Хуткая шайба, арганізаваная Мікалаем Міхайлавым ужо на 32-й секундзе сустрэчы, не зламала план лідчан на гульню. Нават наадварот – рыцары яшчэ пушчы завяліся і пачалі пасыпаць браму Максіма Хмыза градам кідкоў. Аднак наступ гаспадароў працаваў не так эфектыўна, як контрудары гасцей. Усё, на што сталіся годным лідзяне ў стартавай траціне – гэта шайба Рэната Сафіна. Каршакі ж спаўна скарысталіся няўпэўненасцю гаспадарскага галкіпера, адрозніўшыся да першага перапынку яшчэ двойчы. Пасля трэцяй прапушчанай шайбы Паўлу Мікульчыку давялося экстранна падымаць з лаўкі Івана Палякова.
«Сухім» брамнік «Ліды» заставаўся нядоўга – ён прапусціў ужо ў сярэдзіне другой дваццаціхвілінкі. А потым лёс падаў «рыцарам» ідэальны шанец вярнуцца ў гульню. Гасцей стала падводзіць дысцыпліна, у выніку чаго лідзяне правялі ў «падвойнай» большасці ў агульнай складанасці амаль паўтары хвіліны. Да шкадавання для мясцовай публікі, гаспадары выціснулі з такога падарунка толькі адну шайбу. Віной усяму ўражальная гульня Максіма Хмыза ў рамцы, а часам і жудаснае нешанцаванне ў яго супернікаў – адзін кідок Ігара Спяшылава міма пустога кута чаго стаіць.
Другі гол Сафіна, які здарыўся за дзевяць хвілін да трэцяй сірэны, вярнуў было надзею ў вочы хакеістаў «Ліды». Але як сцяна у гэты вечар Хмыз больш не мае намер быў прапускаць, а Аляксандр Пухлоўскі неўзабаве паставіў кропку ў гэтай гульні. «Ястрабы» адарваліся ад «рыцараў» ужо на сем ачкоў, у лідчан ёсць матч у запасе.
ЛІДА – ПІНСКІЯ ЯСТРАБЫ – 3:5 (1:3, 1:1, 1:1)
29 студзеня. Ліда, лёдавы палац. Пачатак – у 19.00. 284 гледачы.
Суддзі: М. Бялевіч, Ё. Перфененко, О. Кузьміных.
ЛІДА: Гарэлаў (Палякоў, 18.53); Марчанка – Нурэк, Буйніцкі – Спяшылаў (А) – Сафін; Цырулёў (А) – Рамановіч, Ткачук – Кірпічонак (Да) – Казячы; Малаткоў – Раманаў, Палінін – В. Міхайлаў – Мартынаў; Сіроцін – Сачыўка, Бабко – Грынкевіч – Буяк.
ПІНСКІЯ ЯСТРАБЫ: Хмыз; Мартынюк – Свірыд, Н. Міхайлаў (А) – Сцяпанаў (Да) – Налётаў; Габрусь – Кудраўцаў, Шувалаў – Пухлоўскі (А) – Донскі; Саўрыцкі – Малішэўскі, Фядосаў – Майсенович – Касков; Лукашэвіч – Крокаў – Пазднякоў; Тарасевіч.
ШАЙБЫ: 0:1 – Н. Міхайлаў (Сцяпанаў, Мартынюк, 0.32). 0:2 – Шувалаў (Мартынюк, Донскі, 15.38). 1:2 – Сафін (16.50). 1:3 – Майсенович (Фядосаў, Малішэўскі, 18.53). 1:4 – Пухлоўскі (Мартынюк, 29.42). 2:4 – Спяшылаў (Цырулёў, В. Міхайлаў, 36.00 – бол.). 3:4 – Сафін (В. Міхайлаў, 51.04). 3:5 – Пухлоўскі (Н. Міхайлаў, Налётаў, 55.17).
КІДКА: 35:14 (8:5, 12:4, 15:5).
ШТРАФ: 8 (Буйніцкі – 4, Буяк, Бабко) – 14 (камандны штраф – 2, Саўрыцкі, Пухлоўскі, Пазднякоў, Кудраўцаў, Мартынюк, Майсенович).
ЛЕПШЫЯ ГУЛЬЦЫ: Сафін – Хмыз.
