Заўзятары «Ліды» у чарговы раз выбралі лепшага хакеіста «рыцараў» па выніках месяца. У лістападзе, па іх думцы, адменна адрозніўся Дзяніс Кірпячонак.
У апытанні ён набраў 44 галасы — 26,83 % ад агульнай колькасці рэспандэнтаў. Характэрна, што 39 чалавек пакінулі свой выбар у графу «ніхто». Трэцяе месца ў галасаванні заняў брамнік Іван Палякоў, якога выбралі 36 заўзятараў.
Нагадаем, што менавіта Іван Палякоў рабіўся лепшым на думку заўзятараў у верасні і кастрычніку.
У лістападзе хакеісты «Ліды» правялі сем матчаў і ўва ўсіх з іх прайгралі.
