На жаль, але вужы ў першым матчы так званага пераходнага турніру «рыцары» буйна прайгралі аднаму з галоўных супернікаў за месца ў плэй-оф і экстралізе «А».
Паядынак практычна цалкам паўтарыў сцэнар нядаўняй гульні супраць «Юнацтву». І самым дэбюце паядынку Дзяніс Кірпячонак за кошт індывідуальнага майстэрства вывеў сваю каманду наперад, а далей на пляцоўцы дамінаваў ужо іншы калектыў. На жаль, не наш.
Ужо з першай спробы «Магілёў» рэалізаваў лікавую перавагу. Абмыла пры змене, камандны штраф, няўдалыя дзеянні ў няроўных складах… Як вынік — рахунак стаў роўным. І калі першы перыяд прайшоў у адносна роўнаму змаганню, то ў другім супернік не пакінуў «рыцарам» ні шанцу на поспех.
Зрэшты з такімі пачварнымі дзеяннямі, як у абароне, гэтак і ў лініі атакі было цяжка меркаваць на ўдалы вынік. Чарговае выдаленне вылілася ў прапушчаную шайбу, а пасля не прадвесны небяспекі праход у выкананні Віктара Андрушчанка завяршыўся дакладным стрэлам ад борта.
На брамніцкай лініі «Ліды» прайшла ракіроўка, аднак Кастусь Казлоўскі нават хвіліны не паспеў правесці на лёдзе да таго, як давялося даставаць шайбу з сеткі. Чацвёрты прапушчаны гол статкаў апафеозам бязладзіцы ў ахоўнай лініі. Адзін з «рыцараў» зваліўся на роўным месцы, двое іншых прайгралі змаганне на «пятаку». Такіх абмылаў нават супернік роўня «Магілёва» не даруе.
Стартавыя хвіліны трэцяга перыяду адразу далечы зразумець, што інтрыга даканцова памерла. Гаспадары выдатна «засушылі» гульню і толькі ў рэдкіх момантах ля брамы абедзвюх камандаў узнікала вастрыня. Але і пры такім раскладзе хакеісты «Ліды» прымудрыліся прапусціць яшчэ.
Выніковыя лічбы на табло выклікаюць сур’ёзныя боязі за будучыя турнірныя перспектывы. Зрэшты, у складзе нашай каманды чакаюцца чарговыя змены. Ці дапаможа турбацыя выбрацца з ямы? Пажывём — пабачым…
МАГІЛЁЎ – ЛІДА – 5:1 (1:1, 3:0, 1:0)
2 снежня. Магілёў, Лёдавы палац. Пачатак – у 19.00. 1048 гледачоў.
Суддзі: Е. Ганчароў (Гомель), Р. Акулаў (Мінск), З. Тачылаў (Жлобін).
МАГІЛЁЎ: Каюк; Калін — Герасімаў, Слыш (Да) — Козінаў — Лапшоў; Масленікаў — Магераў, Папкоў — Зязюлін — Андрушчанка; Скурихин — Мірошкін, Ягораў — Маслюкоў — Васько; Кардашоў — Алешков, Субоцін — Шапіра — Коташенко.
ЛІДА: Палякоў (Казлоўскі, 30.12); Малаткоў — Раманаў, Казячы — Спяшылаў — Буйніцкі; Цырулёў — Марчанка, Ткачук — Кірпячонак (Да) — Чырва; Пятухоў — Нурэк, Валошын — Грынкевіч — Астанкаў; Сафін, Бабко, Рамановіч.
ШАЙБЫ: 0:1 – Кірпячонак (1.02). 1:1 – Масленікаў (Маслюкоў, 4.30 – бол.). 2:1 – Андрушчанка (Зязюлін, 23.08 – бол.). 3:1 – Андрушчанка (Зязюлін, 26.49). 4:1 – Ягораў (Васько, 31.06). 5:1 – Васько (Скурихин, Ягораў, 59.32).
КІДКІ: 31:28 (10:9, 13:8, 8:11).
ШТРАФ: 4 (Магераў, Алешков) – 18 (камандны штраф – 2, Марчанка, Рамановіч, Ткачук – 10, Сафін).
ЛЕПШЫЯ ГУЛЬЦЫ: Каюк – Кірпячонак.
