05.07.2020

У апошняй дамашняй гульні сезона «Ліда» была мацней «Пінскіх каршакоў»

Падапечныя Паўла Мікульчыка святкавалі вікторыю ў апошнім матчы сезоне на родным лёдзе.

Пытанне матывацыі парой робіцца першарадным у асобна ўзятым матчы. Славутыя «перамога ім была патрэбней» – не заўсёды банальная адгаворка. Часта гэта формула выразна адлюстроўвае якое адбывалася на пляцоўцы. Няможна сказаць, што ў «каршакоў» у гэты вечар не было той самай матывацыі – змаганне за чацвёртае месца ніхто не касаваў. Але ў лідзянаў яна, мяркуючы па ўсім, апынулася мацней.

Для гэтага досыць паглядзець на статыстыку кідкоў. Ці запіс трэцяга перыяду, які амаль цалкам прайшоў у зоне гасцей. «Рыцары» гулялі ў статусе каманды, якая за месяц аніразу не перамагла на вачах у родных заўзятараў. У апошнім хатнім матчы сезона не выйграць было няможна.

Хоць атрымвалася ў лідзянаў не ўсё. Перадусім, у завяршэнні. Адзіны ў першым перыядзе гол яны сцямілі ў фармаце «5 на 3». А ў другой траціне «каршакі» адказалі ў пры гульні «4 на 4» дзіва-шайбай Пухоўскага пасля дзіва-перадачы Шувалава ў паданні. Але другі перапынак шмат што змяніў.

З апранальні выйшла «Ліда», якая зусім не збіралася аддаваць супернікам ачкі. Хоць даслоўна до 57-й хвіліны здавалася, што авертайма не ўнікнуць. «Рыцары» шмат гулялі ў большасці, але ніяк не маглі адправіць шайбу ў сетку. Тое адзін прамажа па шайбе насупраць пустога кута, то яна праскочыць у сантыметрах ад штангі. Але свайго гаспадары дамагліся. Усё-такі тры выдаленні запар – гэта для візітантаў апынулася зашмат. А за хвіліну до сірэны Палінін і Казячы раскошна рэалізавалі контру.

ЛІДА – ПІНСКІЯ КАРШАКІ – 3:1 (1:0, 0:1, 2:0)
19 лютага. Ліда, Лёдавы палац. Пачатак – у 19.00. 205 гледачоў.
Суддзі: Н. Разумовіч (Мінск), А. Севасцюк (Жлобін), В. Язерскі (Гомель).
ЛІДА: Палякоў; Футра – Нурэк, Валошын – В. Міхайлаў – Сафін; Марчанка – Пятухоў, Ткачук – Кірпічонак (Да) – Казячы; Малаткоў – Раманаў, Буйніцкі – Грынкевіч – Мартынаў; Цырулёў (А) – Сачыўка, Палінін – Бабко – Буяк.
ПІНСКІЯ КАРШАКІ: Хмыз; Мартынюк – Габрусь, Шувалаў – Пухлоўскі (А) – Донскі; Свірыд – Малішэўскі, Пазднякоў – Сцяпанаў (Да) – Н. Міхайлаў (А); Тарасевіч – Ісайкоў, Фядосаў – Крокаў – Лукашэвіч; Саўрыцкі, Майсеновіч, Каскоў.
ШАЙБЫ: 1:0 – Шуба (В. Міхайлаў, 10.55 – бол.). 1:1 – Пухлоўскі (Шувалаў, 22.35). 2:1 – Сафін (Буйніцкі, Палінін, 56.02 – бол.). 3:1 – Казячы (Валошын, Палінін, 58.51).
КІДКІ: 44:18 (14:5, 11:8, 19:5).
ШТРАФ: 12 (Цырулёў, Мартынаў, Марчанка, Валошын, Пятухоў, Палінін) – 14 (Пухлоўскі – 4, Габрусь, Донскі, Малішэўскі, Пазднякоў, Мартынюк).
ЛЕПШЫЯ ГУЛЬЦЫ: Сафін – Н. Міхайлаў.