31.10.2020

Эдуард Валіулін: «Гэта чарада чыста індывідуальных абмылаў»

Пасля матча паміж «Пінскімі ястрабамі» і «Лідай» (6:4) галоўныя трэнеры камандаў падвялі вынік паядынку.

Эдуард Валіулін, галоўны трэнер «Ліды»:

– Мы ехалі сюды гуляць і перамагаць. Не атрымалася, што зробіш. На гэта ёсць шэраг прычын: чарада абмылаў, непатрэбныя выдаленні. Шэсць галоў – мы шмат прапусцілі. Потым паглядзім матч, разбяром абмылы, што цяпер з запалу з жару казаць…

У матчах трэба ўсё-такі прапускаць менш. Шмат непатрэбных выдаленняў ізноў жа: у першым перыядзе чатыры выдаленні, потым яны паўтарыліся зноў. Пры рахунку 5:4 гулялі ў большасці – і наш гулец падаляецца ў непатрэбны момант! Гэта чарада чыста індывідуальных абмылаў!

Паглядзім гульню заўтра і разбяром іх. Ідзём далей!

– То бок сёння ў вашай камандзе мыляліся пэўныя гульцы, а не цэлыя звёны?

– Так, як я сказаў, былі індывідуальныя абмылы. Супернік рэалізаваў свае моманты. З перамогай!

Зміцер Саяпін, галоўны трэнер «Пінскіх ястрабаў»

– Хачу сказаць вялікае дзякуй заўзятарам за тое, што яны прыйшлі сёння падтрымаць нас! Адчувалася іх дапамога…

А па гульні… Трошкі хвалявіста гулялі сёння. Калі мы дзеем слушна, то трымаем гульню ў сваіх руках, а калі гуляем няправільна, то ўзнікаюць розныя моманты – і супернік перахапляе шайбу. Мы пачынаем гуляць у сталы хакей. Пасля карантыну крок за крокам мы робім тую каманду, якую хочам бачыць. Цяпер гульцы сталі верыць трэнерскаму штабу – і мы паволі выходзім з гэтай сітуацыі.

– То бок да гэтага яны не верылі?

– Пасля чарады параз ёсць такі псіхалагічны момант… Мы хлопцам вытлумачылі, што яны павінны рабіць, каб у сябе паверыць…Яны выходзяць на лёд, працуюць – і крок за крокам у нас атрымваецца тая каманда, якую мы хочам.

– Сёння як ніколі адрозніліся Раман Шувалаў і Павел Сцяпанаў…

– Я не буду нікога вылучаць сёння. Яны не саміж забілі: былі перадачы. Уся каманда сёння працавала і дапамагала ім закінуць.