23.01.2020

Ігар Спяшылаў другі раз запар трапляе ў тройку лепшых па выніках гульнявога дня

Калі па выніках матча з «Брэстам» ён быў прызнаны трэцяй зоркай гульнявога дня не толькі дзякуючы ўласным заслугам, але і справядлівай заўвазе партнёра па камандзе, то сёння яго два дзейсныя балы сталі пераломнымі ў дуэлі супраць «Пінскіх ястрабаў».

У пятніцу ў «Парыматч-Экстралізе» прайшлі чатыры гульні: дзве ў пераходным турніры і дзве — ў групе 3.

Трэцяя зорка дня ў форварда «Пінскіх ястрабаў» Аляксандра Пухлоўскага, які закінуў дзве шайбы і шмат што зрабіў для поспеху сваёй каманды. Але «Ліда» перавярнула ход гульні, за 17 секундаў да сірэны пераводзячы гульню ў авертайм, а потым і вырваўшы ў пінчукоў перамогу.

Важную ролю ў камбэку «Ліды» (4:3 АТ) згуляў нападнік Ігар Спяшылаў. Ён атрымвае другую зорку пятніцы. У актыве форварда галявы пас пры ўзяцці пінскай брамы за 17 секундаў да фінішу трэцяга перыяду, а таксама пераможны гол ў авертайме.

Першая зорка дня ў нападнога «Магілёва» Данііла Маслюкова, які ўнёс вялікі ўнёсак ў перамогу над лідарам пераходнага турніру «Лакаматывам». У першым перыядзе ён засмуціў сваю былую каманду, скарыстаўшыся абмылай Артура Гільманава і адкрыўшы рахунак ў меншасці. А ў трэцім зарабіў асіст падчас розыгрышу большасці, калі быў усталяваны даканцовы рахунак ў двубоі — 4:0. Так перапынілася серыя аршанцаў з 15 перамог.